♥ 姐姐是幸運兒嗎??

  【18/8/2009年(二) 晚上】 

     因為要(惠澤社群)姐姐都好勤力咁,去買(六合彩)

     小肶當然有陪過姐姐去買六合彩啦,好乖咁呢埋喺袋入面!

     <舊相@舊文章新載> 

    【16/7/09年(四)】↓

      馬會從新換晒所有(六合彩)彩票(紙質比較薄)

      如果要買好多張彩票,就要小心喇,因為好容易重疊埋架...

      又或者同朋友夾份買好多張(六合彩),就更加要數清楚... ↓



     從前的(六合彩)彩票,紙質厚啲...

     放耐咗啲彩票會變成黑蚊蚊嘅顏色~~ ↓ 



    【新與舊的比較】↓



     小肶,姐姐曾經上過兩次報紙架...

      第一次係圖畫比賽,有入圍,但冇名次!

      第二次就係相片入面張報紙,有兩個姐姐嘅姓名... ↓


     話說從前,姐姐有個朋友仔,拎咗一套10張抽獎券畀姐姐!

     佢仲驚姐姐消化唔倒...咁$100做善事...冇問題吖!

     但我有分咗兩張畀朋友,另外3張畀親人(齊齊惠澤社群嘛)

     噢!好幸運哋姐姐被抽中咗兩個獎...(唯一美中不足...!!)  

      第一獎係:(3獎) $1500金錶一隻。

      第二獎係:(25獎) $300餐券一張。
 
     但原來(3獎有兩隻金錶)亦係姐姐唯一~~

     要同嗰個B.W.Chan君分享...嗚嗚...唔制呀!  ↓



   【姐姐是幸運兒嗎??】

     一向姐姐都當買(六合彩)係小投資...

     時常聽到有朋友話,買極都唔中,把鬼...

     講真,又唔係時常買,一買就要中,冇可能個喎!

     如果話姐姐有橫財運,咁...我都覺得有啲嘅...!


     話說在【17/1/04年(六)】
 
     姐姐買嘅(六合彩/第六期)好幸運中咗$4xxx...

     可惜在【15/1/09年(四)】只差2日就5年,姐姐如常買(六合彩)

     其實幸運之神再一次降臨喺姐姐身上!(本來真係幾幸運)

     誰知道姐姐竟然將久唔久重買嘅號數,改咗一個數目字...

     就因為呢一改,本來好幸運中咗嘅(3獎/$9xxx)咦,又係3獎!?

     總算仲有啲運...起碼都留番$320畀姐姐...唉!又要嗚過!  

     但最奇怪嘅係差2日就5年,同是(第六期)~~

     因為那段時間嘅(前後)係一個特別嘅日子!(這裡不說了)

     記得當時呆了嘅姐姐,好快就平伏過來...

     因為(EQ)算ok嘅我,完全明白事情已經冇得改變...

     還會安慰自己,因為要過差不多5年,先有個大幸運...

     如果真的中了$9xxx,咁姐姐咪又要等好多年後...

     先再來個大幸運...咁趣趣哋中住$320駛住先啦!

     (因為姐姐希望中嘅獎金...咁緊係唔止$9xxx啦...)


   【幸運/唔幸運/趣事兩則】 ↓ 


   【幸運】:又話說從前,姐姐去旅行,抽獎中咗(第一名)

      嘩!開心屎姐姐囉,第一名喎...【獎品/大耳牛一包】

    【唔幸運】:有一晚姐姐又係預備好去買(六合彩)

      咁啱有個朋友約姐姐去(大家樂)飲杯奶茶...

      一路飲一路傾計,其實姐姐好想告辭,要去發達嘛...

      但又唔好意思走...心諗,算啦!應該冇問題嘅~~

      其實係唔好意思講拜拜!(時間都差不多截止)

       點知咁就冇咗(早前係)$300...唉,真係又要嗚過...!